Sunderland jo vetëm që kanë refuzuar ofertën e parë të Chelsea për Granit Xhakën, por kanë paralajmëruar rivalët e tyre në Premier League se mesfushori nuk është në shitje “me asnjë çmim”.
Sipas mediave të huaja, Xabi Alonso po i shtyn drejtuesit e Chelsea-t të transferojnë ish-kapitenin e Arsenalit, Xhakën, të cilin ai e ka stërvitur te Bayer Leverkusen në Gjermani, transmeton Klankosova.tv.
Thuhet se Xhaka është i gatshëm të kalojë te Stamford Bridge, ndërsa raportet sugjerojnë se ai tashmë ka rënë dakord për kushtet personale me Chelsea-n.
Megjithatë, Sunderland e ka bërë të qartë që në fillim të kësaj sage transferimesh se Xhaka, i cili iu bashkua klubit verën e kaluar pas rikthimit të tyre në Premier League, nuk është në shitje.