Marino Quisto, është udheheqës i një fshati të vogël në pyjet e dendura të Amazonës në Peru. Ai për herë të parë mësoi për pandeminë globale në tetor, kur punonjësit e shëndetësisë për vaksinim mbërritën në fshatin e tij me barka.
Fshati Mangual, gjindet në rajonin e gjerë të Perusë, mirëpo është vend me numër të vogël të popullsisë.
“Nuk dinim asgjë për COVID-19. Kjo është hera e parë që po dëgjojmë për të”, tha Quisto për NBC.
Banorët e këtij vendi jetojnë në shtëpi prej druri dhe pa energji elektrike. Në mes të fshatit gjindet një lum, të cilin qytetarët e përdorin për të peshkuar e në këtë mënyrë ata ushqehen. Lidhjet që ky vend i ka, janë shumë të vogla, pothuajse është i shkëputur, ndërsa gjuha vendase është zhvilluar ndër vite.
“Brigadat nuk kanë ardhur këtu për shumë vite. Këto komunitete janë me të vërtetë të harruar,” tha Gilberto Inuma, president i “Fepiurcha”, një organizatë që mbron të drejtat e Urarina.
Udhëtimi në lumë nënvizon sfidat e vaksinimit të komuniteteve të largëta indigjene në Peru dhe më gjerë, shumë anëtarë të komunitetit u ankuan se ajo që ata vërtet kishin nevojë ishin shërbime më të mira të kujdesit shëndetësor të vazhdueshëm.
Në fshatin pa mjekë, sëmundjet përfshijnë dhimbje koke, diarre, malarie dhe konjuktivit, tha Quisto.
“Ne nuk dimë si të kujdesemi për pacientët tanë. Ky është shqetësimi ynë.”, shtoi ai.
Më pak se 20 përqind e tyre janë vaksinuar plotësisht, krahasuar me rreth gjysma për vendin në tërësi, tha ai.
“Kur shikoni atë numër, duhet të mbani mend se për të administruar të dyja dozat, ekipet duhet të udhëtojnë 4-5 orë. Kjo është në skenarin më të mirë, “shpjegoi Mendigure.
Arritja në Mangual kërkoi 26 orë udhëtim për tre ditë përgjatë lumenjve që nganjëherë thahen ose bllokohen me pemë të rrëzuara.
Varka përfshinte një kuti ftohës blu që mbante 800 doza të vaksinës kineze “Sinopharm”. Një ekip do të kthehet në nëntor për të dhënë doza të dyta pas administrimit të mbi 600 inokulimeve.
Grupi më i gjerë i Indigjenëve Urarina, një nga më të izoluarit e Perusë, ka vetëm 5,800 njerëz, tregojnë të dhënat zyrtare. Jo të gjitha komunitetet janë kursyer nga njohuria ose ndikimi i pandemisë. Të paktën pesë njerëz në Urarina kanë vdekur nga Covid-19, tha Inuma.