Presidenti i Serbisë, Aleksandar Vuçiq, tha sot se ka rënë dakord me kreun e shtetit rus, Vladimir Putin, për një marrëveshje të favorshme për importin e gazit nga Rusia.
“Unë dhe Putin patëm një bisedë shumë të mirë. Biseduam për disa tema të ndryshme. Gjëja më e rëndësishme për ne janë marrëdhëniet tona dypalëshe dhe kemi prekur disa gjëra. Për ne çështja më e rëndësishme është skadimi i marrëveshjes së gazit pas dhjetë vjetësh më 31 maj”.
“Ajo që mund të them është se ne kemi rënë dakord për elementet kryesore që janë shumë të favorshëm për Serbinë”, shpjegoi Vuçiq, raporton Tanjug, transmeton Paparaci.
I pyetur se çfarë pret nga bisedimet e nesërme me komisionerin evropian për Zgjerim Oliver Varhelji dhe eurodeputeten Viola von Cramon, Vuçiq tha se nuk është vetëm çështja se çfarë do të kërkojnë.