Administrata Tatimore e Kosovës ka njoftuar se të martën janë ndërmarrë veprime te 22 subjekte biznesore, që kanë obligim 2.9 milionë euro ndaj këtij institucioni.
Nga ky aksion u tha se veprimet e mbledhësve tatimorë kanë rezultuar të suksesshme duke u kryer pagesat e menjëhershme të mbi 1 milion eurove nga ana e bizneseve borxhlinj.
Kurse në anën tjetër, sipas një njoftimi të ATK-së u bë e ditur se përderisa pjesa tjetër do të vazhdojë të trajtohet duke i paguar borxhet përmes marrëveshjeve me këste.
“Aktivitetet në fjalë janë zhvilluar në Prishtinë, Prizren, Pejë, Ferizaj, Mitrovicë e Veriut, Kaçanik, si dhe në Gllogoc”, thuhet në njoftimin e ATK-së.
“Menaxhmenti i ATK-së është i vendosur që të punoj me përkushtim në zvogëlimin e stokut të borxheve, andaj lusim të gjithë tatimpaguesit që të vizitojnë zyrat e Departamentit të Mbledhjes së Detyrueshme në mënyrë që të njoftohen me mundësitë ligjore që mund t’i shfrytëzojnë për kryerjen e obligimeve që ata kanë”.