Ballkani ka mësuar dje kundërshtarët e radhës për fazën e grupeve në kuadër të UEFA Conference League.
Kampioni i Kosovës gjendet në Grupin G së bashku me Slavia Praha, Cluj dhe Sivassporin.
Therandasit shkruan histori duke arritur grupet në garat evropiane, ndërsa aventurën e re do ta nisin nga 8 shtatori.
Ndeshjen e parë Ballkani do ta zhvillojë si vendas në stadiumin “Fadil Vokrri”, ku do të pres klubin rumun, Cluj.
Në xhiron e dytë të Grupit G, Ballkani do të luajë në udhëtim te skuadra nga Republika e Çekisë, Slavia, më 15 shtator – teksa edhe në xhiron e tretë do të luajë në udhëtim te Sivasspori, më 6 tetor.
Datat për tri ndeshjet tjera:
13 tetor, Ballkani – Sivasspor
27 tetor, Ballkani – Slavia Praha
3 nëntor, CFR Cluj – Ballkani
