Presidenti francez Emmanuel Macron tha të hënën se do të ketë një takim të parë në Pragë në javët e ardhshme për të diskutuar krijimin e një Komuniteti të Ri Politik Evropian për të adresuar sfidat politike dhe të sigurisë me të cilat përballet kontinenti.
Macron është i përkushtuar për krijimin e një ‘Komuniteti Politik Evropian’, të ndryshëm nga BE-ja.
Duke folur në Parlamentin Evropian në Strasburg më 9 maj, Emmanuel Macron bëri thirrje për një ‘Komunitet Politik Evropian’ (EPC), një klub për të nxitur bashkëpunimin midis BE-së dhe fqinjëve të saj. Ideja doli nga bisedat midis Macron dhe Clément Beaune, atëherë ministri i tij për Evropën dhe një njeri i besuar i ngushtë, pak para fjalimit. Si rezultat, makinat burokratike të Elysee dhe Quai d’Orsay (ministria e jashtme) patën pak mundësi për të rafinuar propozimin dhe për të menduar për pasojat.
Kjo shpjegon pse ka pasur disa paqartësi se çfarë lloj organi do të ishte EPC dhe çfarë do të bënte.
Me takimin që pritet të zhvillohet në Pragë në javët e ardhshme do të zbardhen detaje të reja rreth këtij komuniteti.