Komuna e Prishtinës pritet të intervenojë në sanimin e rrugëve aktuale në të gjitha lagjet e kryeqytetit, përfshirë edhe fshatrat për rreth.
Të hënën, Zyra e Prokurimit të Komunës së Prishtinës ka hapur tenderin me vlerë të parashikuar 2.5 milionë euro.
Tenderi është i ndarë në gjashtë llote. Ato ndahen në gjashtë zona të kryeqytetit, në të cilat parashihet intervenimi në sanimin e rrugëve të dëmtuara të kryeqytetit.
600 mijë euro janë ndarë për llotin e parë, i cili parasheh intervenime në rrugët e zonës qendër të Prishtinës, si dhe lagjeve Dodona, Ulpiana, Dardania, Tophane, Ulpiana dhe Bregu i Diellit.
Afati i dorëzimit të ofertave për këtë tender mbyllet më 10 nëntor të këtij viti.