I dërguari i Posaçëm i Shteteve të Bashkuara të Amerikës për Ballkanin Perëndimor, Gabriel Escobar ka njoftuar se SHBA-të e mbëshesin propozimin franko-gjerman për arritjen e një marrëveshjeje mes Kosovës dhe Serbisë.
Ai tha se ky propozim do të nënkuptonte angazhim dhe integrim më të afërt të Kosovës, raporton Paparaci.
“Ne do ta mbështesim këtë. Ne mendojmë, se sikurse na është shpjeguar, ky propozim do të nënkuptonte angazhim dhe integrim më të afërt të Kosovës, dhe potencialisht Serbisë, në integrimet euro-atlantike. Po, e mbështesim plotësisht. Dhe më duhet të shtoj se ne gjithmonë e kemi përkrahur njohjen e Kosovës si shtet i pavarur dhe sovran dhe ne do ta mirëprisnim në OKB dhe në të gjitha strukturat tjera evropiane.”, shtoi ai në një intervistë për Kanal 10.