Presidenti i Serbisë, Aleksandar Vuçiq, ka thirrur mbledhje të Këshillit të Sigurisë Kombëtare për të enjten me fillim nga ora 10:00, raporton “B92”.
Reagimi i Vuçiqit erdhi pas kërkesës që iu bë nga Lista Serbe për një takim urgjent.
Lista Serbe kërkoi takim, duke thënë se “Albin Kurti me deklaratat e fundit ka paralajmëruar se nga 1 nëntori do të nisë me rrëmbimin e pronave të qytetarëve tanë dhe veturave me targa serbe”.
Më 31 tetor përfundon afati i riregjistrimit të veturave nga ato me targa ilegale në ato legale RKS.
Qytetarët serbë, që i kanë veturat me targa ilegale të lëshuara nga Serbia me akronime të qyteteve të Kosovës, mund t’i riregjistrojnë veturat në targa legale të Kosovës, RKS pa pagesë.