Barcelona do të tentojë të transferoj një sulmues në merkaton e janarit edhe pse nuk ka kapacitet për shkak të limit të pagave.
Pas premtimit të drejtuesve të klubit, Barca po shqyrton mundësinë e transferimit të sulmuesit francez, Kingsley Coman.
Klubi Blaugran është rikthyer përsëri te Coman pas merkatos së kaluar.
Fancezi nuk ka pasur minutat e dëshiruara dhe situata e tij te Bayern është e komplikuar duke startuar vetëm në dy ndeshje të Bundesligës.
Kontrata e tij përfundon në vitin 2023, megjithëse dëshira e tij është të largohet nga Gjermania. Bayern nuk është i gatshëm të dorëzohet edhe pse do të dëgjojë një ofertë transferimi, diçka që Barça është në gjendje ta bëjë.
Coman është një anësor shpërthyes, i cili tashmë ka dëshmuar se mund të performojë në nivelin më të lartë.