Superylli portugez, Cristiano Ronaldo së fundmi ka shokuar botën e futbollit me intervistën e tij bombastike me Piers Morgan.
Ronaldo ka kritikuar Manchester United dhe kryesinë e gjigantit anglez, si dhe është përplasur me trajnerin, Erik Ten Hag, raporton KosovaPress.
Po ashtu, Ronaldo zbuloi se çfarë do të sjell e ardhmja e tij para merkatos së janarit, ku sugjeroi se nuk mund ta sheh më vetën duke e veshur fanellën e “Djajve të Kuq”.
Si pasojë e kësaj interviste, tani ka reaguar Manchester United.
“Manchester United ka nisur këtë mëngjes hapat e duhur në përgjigje të intervistës së fundit të Cristiano Ronaldos në media.
Ne nuk do të bëjmë komente të mëtejshme derisa ky proces të arrijë në përfundimin e tij”, shkruante në komunikatën e United.