Kryeministrja e Serbisë, Ana Bërnabiq, ka bërë thirrje për qetësi dhe durim për situatën dhe barrikadat e vendosura në veri të Kosovës.
“Të gjitha protestat duhet të jenë paqësore dhe demokratike. Ne duhet të mbrojmë gjënë e vetme më të rëndësishme për të gjithë: paqen”, shkroi ajo në Twitter.
Bërnabiq shtoi se “atë që kryeministri i Kosovës, Albin Kurti, e percepton si kërcënim janë thirrjet tona të vazhdueshme për paqe dhe stabilitet, dialog të hapur dhe të ndershëm, respektim dhe zbatim të plotë të të gjitha marrëveshjeve të arritura deri më tani”.