Klubi Futbollistik Trepça’89 ka mohuar se presidenti i këtij klubi Abedin Zeka është përleshur me Faruk Statovcin pas një debati në emision.
“Klubi Futbollistik Trepça’89 njofton se pas emisionit sportiv Kampionet në Kanal10 ku ishte i pranishum Presidenti i Klubit tonë z. Abedin Zeka – Beki, pas një debatit dhe fjalosjes gjithqka mori fund aty”, shkruhet në reagim.
“Lajmet se Presidenti i Klubit tonë z. Abedin Zeka u përlesh janë të pavërteta”, vazhdon tutje reagimi.
Ndryshe mbrëmë Gazeta Blic ka rapotuar për një përleshje mes Zekës dhe Statovcit. Sipas mediumit ishte moderatori i emisionit ai që ka ndërhyrë dhe nuk ka lejuar eskalimim e situatës.