Përfaqësuesi i lartë i BE-së, Josep Borrell, ka reaguar pas zhvillimeve të fundit në Mitrovicën e Veriut.
Përmes një postimi në Twitter, ai tha se incidentet e dhunshme në Veri duhet të ndalen menjëherë.
Tutje, ai ka konsideruara se veprimet e njëanshme dhe të pakoordinuara janë të papranueshme.
“Incidentet e dhunshme në veri të Kosovës duhet të ndalen menjëherë. Veprimet e njëanshme dhe të pakoordinuara që rrezikojnë stabilitetin janë të papranueshme. Të gjitha çështjet e hapura duhet të adresohen përmes Dialogut të lehtësuar nga BE. Ne jemi në kontakt me Beogradin dhe Prishtinën”, ka shkruar Borrell.
Njësia Speciale e Kosovës sot ka zhvilluar një operacion për kontrabandë të mallrave në disa lokacione të vendit përfshirë rajonin e Prishtinës, Pejës dhe Mitrovicës së Jugut e Veriut.