Nënkryetarja e PDK-së, Vlora Çitaku, ka bërë një koment pasi raporti i Departamentit të Shtetit për pjesën e Kosovës thotë se “Ligji parashikon dënime penale për korrupsion nga zyrtarët, por qeveria nuk e zbatoi ligjin në mënyrë efektive”.
Në raportin për vitin 2022 thuhet se “pati raportime të shumta për korrupsion në qeveri”, teksa përmendet se zyrtarët ndonjëherë përfshiheshin në praktika korruptive pa u ndëshkuar.
Këisoj, ish-ambasadorja kosovare në ShBA përmendi aferën financiare të ambasadorit Martin Berishaj.
Sipas saj, Qeveria Kurti 2 vazhdon ta mbajë në detyrë diplomatin kosovar.
“Pa një zor nuk e mbrojnë me kaq zell”, shkroi ajo në Facebook.
Përndryshe, Berishat po hetohet në Kosovë për tri vepra penale: shpëlarje parash, shmangie nga tatimi dhe fshehje të pasurisë.
Megjithëkëtë, vazhdon ta përfaqësojë Kosovën në Kroaci nën mbrojtjen e kryeministrit dhe presidentes./Paparaci.com