Disa vetura të blinduara të EULEX-it kanë arritur në Graçanicë për t’iu bashkuar forcave të rendit.
Tani zona përreth manastirit në Graçanicë, ku do të mbahet ceremonia, po sigurohet nga Policia e Kosovës, KFOR dhe EULEX.
Situata momentalisht është e qetë ndërsa serbët kanë nisur të mblidhen për të shënuar festën e tyre, e njohur si Vidovdani.
Përveç Policisë së Kosovës dhe EULEX-it aty shihet edhe KFOR-i duke monitoruar gjithë situatën.
Brenda oborrit të manastirit është ngritur një podium ku do të mbahen fjalime.
Situata është e qetë ndërsa policia për të ofruar siguri, ka mbyllur përkohësisht rrugën Prishtinë-Gjilan, konkretisht në Veternik dhe në Mramor.