Instituti Hidrometeorologjik i Kosovës ka treguar se të dielën do të mbajë mot i ndryshueshëm dhe mjaftë dinamikë.
Sipas IHMK-së, kjo situatë vjen si pasojë e vranësirave konvektive të cilat parashihen të vazhdojnë edhe gjatë ditës së sotme.
“Reshjet më intensive parashihen ditën e diele, ku do të ketë edhe shkarkime rrufesh, por edhe dita e shtune parashihet të ketë reshje në shum zona”, thuhet në njoftim.
“Temperaturat minimale gjatë këtyre dy ditëve të vikendit do të lëvizin ndërmjet 12-16 gradë Celsius, ndërsa maksimalet e ditës parashihen të lëvizin ndërmjet 21-28 gradë Celsius. Do të fryjë erë kryesisht nga veriperendimi e lehtë dhe lokalisht e fortë”.