Garës për transferimin e sulmuesit kosovar, Edon Zhegrova i është futur edhe kampioni i Italisë, Napoli.
Sipas ekspertit të transferimeve, Alfredo Pedulla, Napoli është duke menduar për përforcimin e repartit sulmues, ku si sulmues ideal shihet të jetë sulmuesi kosovar, Edon Zhegrova.
Napoli, në krye me Rudi Garcian është duke planifikuar përforcimet në repartin ofensiv dhe defensiv.
Në listën e sulmuesve janë Riccardo Orsolini e Domenico Berardi që vijnë nga kampionatin italian, por Napoli është duke shqyrtuar edhe mundësinë për transferimin e Zhegrovës, që del të jetë më i lirë se dy opsionet tjera.
Transferimi i Zhegrovës do të ishte perfekt për presidentin De Laurentiis, duke pasur parasysh çmimin e arsyeshëm.
Për sulmuesin kosovar ishte interesuar edhe skuadra e Milanit.
Zhegrova ka kontratë me Lille deri në verën e vitit 2026, teksa gjatë këtij sezoni ka shënuar gjashtë gola.