Ambasadori i Gjermanisë në Prishtinë, Jorn Rohde, i është bashkëngjitur reagimit të kolegut të tij nga ShBA-të, Jeff Hovenier, i cili ka dënuar ashpër sulmet e orkestruara dhe të dhunshme ndaj Policisë së Kosovës.
Ambasadori Hovenier, pas vrasjes së pjesëtarit të Policisë së Kosovës në Veri, ka thënë se Policia e Kosovës ka përgjegjësi të plotë dhe legjitime për zbatimin e ligjit në Kosovë.
Njashtu u shpreh edhe Rohde, i cili tha se autorët e këtij sulmi vrasës kundër zyrtarëve të rendit të Policisë së Kosovës duhet të dalin para drejtësisë.
“Sundimi i ligjit duhet të zbatohet në Kosovë. Ngushëllimet e mia të përzemërta shkojnë për familjen e policit të vdekur të PK-së dhe për policët e plagosur të PK-së”, tha diplomati gjerman.