Ballkani ka triumfuar me rezultat 4-1 ndaj Lirisë në Superligën e Kosovës, por ka pësuar një tronditje nga lëndimi i njërit prej futbollistëve kryesor të skuadrës.
Lajm i keq për skuadrën e Ilir Dajës është lëndimi që ka pësuar në fundin e ndeshjes Almir Kryeziu.
Sulmuesi i krahut është lënduar në fundin e ndeshjes pasi shënoi golin e katërt.
Kryeziu u detyrua të lë fushën me barelë për shkak të lëndimit që dukej i rëndë.
Trajneri Ilir Daja, pas ndeshjes, tha për mikrofonat e Artsport se nuk është ende në dijeni për shkallën e lëndimit.
“Shpresoj që të mos jetë lëndim serioz sepse Kryeziu është një lojtar shumë i rëndësishëm për ndeshjet, si në kampionat, ashtu edhe në Evropë”, tha Daja.