Shpend Ahmeti ka thënë se është gabim të ndërpritet ngrohja nga Termokosi për arsye të energjisë elektrike.
Ish-kryetari i Komunës së Prishtinës ka thënë se ngrohtorja e Termokosit përveç ofrimit të ngrohjes, kursen edhe rrymë.
“Termokosi e paska ndal ngrohjen ia sepse nuk furnizohet me rrymë – kogjenerim nga KEK. Gabim – ngrohja duhet të jetë prioritet. Termokosi 25 mW energji elektrike o kthen në 140 mW termike. Edhe ka ngrohje edhe kursehet rrymë”, tha Ahmeti.
Ai, kritikoi këshillat e qeverisë për kursim të rrymës. Tha se ato nuk kanë asnjë efekt në një vend me 1.7 milion banorë.
“Kjo edhe dëshmohet nga Teoria e Lojës në Ekonomi. Fakti që çdo njeri mendon se kojshia nuk po kursen e humb motivin për me kursy vetë”, tha ish-kryetari i Prishtinës.