Një grua shqiptare, Ornela Morgan, është vrarë bashkë me dy djemtë e saj 10 vjeç dhe 12 vjeç nga bashkëshorti i saj amerikan në ShBA.
Ky i fundit, pas vrasjes masakër që i ka bërë familjes së tij ka vrarë dhe veten.
Prej disa vitesh Ornela Morgan (Rori) jetonte në New York, bashkë me bashkëshortin e saj Watson Morgan, i cili ishte polic.
Watson ishte një oficer policie në Departamentin e Policisë së Nju Jorkut për shtatë vjet.
Ai më pas iu bashkua policisë në Bronxville, që ndodhet në Westchester County në vitin 2007 dhe u promovua në gradën rreshter në vitin 2016.
Ndërkaq, shqiptarja Ornela Watson ishte mësuese në një shkollë publike në qytetin e Nju Jorkut.
Policia shprehet se ende nuk ka një motiv për ngjarjen e rëndë, ndërkohë që ende vijojnë hetimet.