Mbi 300 profesionistë shëndetësorë do t’u shtohen institucioneve publike shëndetësore.
Kështu ka njoftuar Ministria e Shëndetësisë, të cilët thonë se ata do të fillojnë punën së shpejti.
“Ministri i Shëndetësisë, Dr. Arben Vitia sot, priti në takim një grup specialistësh të pa punë për të diskutuar angazhimin e tyre në institucionet publike shëndetësore. Në këtë takim, Ministrit Vitia theksoi që së shpejti klinikave dhe spitaleve publike do të ju shtohen mbi 80 specialistë, rreth 200 infermier dhe mami, teknik të radiologjisë, si dhe 50 profesionistë të tjerë do të angazhohen në shërbimet e përgjithshme si mbështetës teknik dhe administratë”, thuhet në njoftim.
Tutje, në komunikatë thuhet se ministri potencoi që rritja e kapaciteteve infrastrukturore dhe personelit profesional është synimi i Ministrisë së Shëndetësisë.