Kuvendi ka miratuar sot edhe tri marrëveshje ndërkombëtare, një javë pas zhbllokimit të tyre.
Në vazhdimin e seancës së sotme, deputetët e Kuvendit me 93 vota për, asnjë kundër dhe asnjë abstenim miratuan Projektligjin nr.08/L-301 për ratifikimin e Marrëveshjes për njohjen e kualifikimeve profesionale për infermier, kirurg veterinar, farmacist dhe mami në kontekstin e Marrëveshjes së tregtisë të lirë të Evropës Qendrore.
Po ashtu 93 vota për i mori edhe shqyrtimi i Projektligjit nr.08/L-303 për ratifikimin e Amendamentit të Marrëveshjes për Themelimin e Bankës Evropiane për Rindërtim dhe Zhvillim (“Marrëveshja”) – neni 1.
Ndërkaq, pikë e tretë e rendit të ditës ishte shqyrtimi i Projektligjit nr.08/L-302 për ratifikimin e Marrëveshjes së Kredisë në mes të Republikës së Kosovës përfaqësuar nga Ministria e Financave, Punës dhe Transfereve, dhe Bankës Zhvillimore të Këshillit të Evropës (BZHKE) për Projektin “Banimi social adekuat”.
Gjatë javës së kaluar deputetët votuan pro 10 marrëveshjeve ndërkombëtare, kurse dy prej tyre u rrëzuan.
Zhbllokimi i marrëveshjeve ndërkombëtare u arrit pas një darke të kryeministrit Albin Kurti me kryetarin e Partisë Demokratike të Kosovës, Memli Krasniqin, ku ndër të tjera diskutuan edhe për agjendën legjislative. /Paparaci.com