Kombëtarja e Spanjës ka siguruar gjysmëfinalen e Kampionatit Evropian pasi mposhti Gjermaninë me rezultat 2:1.
Spanja triumfoi në ndeshjen më të paparashikueshme të Evropianit, me dy gola që u shënuan pak para se të përcaktohej fituesi i takimit.
Spanjollët kaluan fillimisht në epërsi në minutën e 51-të me Dani Olmon dhe kur menduan se takimi përfundoi Wirtz barazoi rezultatin.
Futbollisti gjerman shënoi dy minuta para përfundimit të kohës së rregullt duke e dërguar takimin në kohën shtesë.
Pak para ekzekutimit të penalltive, saktësisht dy minuta para përfundimit të kohës shtesë, Olmo harkoi në zonë dhe Merino shënoi me kokë për 2:1.
Kësisoj Spanja siguroi gjysmëfinalen kurse Gjermania u eliminua nga “Euro 2024”.
Në gjysmëfinale, Spanja do të takohet me fituesin e takimit mes Portugalisë e Francës.