Ministri Xhelal Sveçla me homologun e tij nga Shqipëria, Taulant Balla kanë nënshkruar protokollin për kontrolla të përbashkëta në pikëkalimet kufitare mes dy vendeve.
Sveçla njofton se nga sot e tutje do të aplikohet procedura një ndalesë – një kontroll, raporton Paparaci.
“Pasi hoqëm tërësisht kontrollat kufitare me Shqipërinë në pikë kalimin kufitar në Vërmicë dhe filloi së zbatuari marrëveshja e trafikut lokal për banorët e brezit kufitar të Kosovës dhe Shqipërisë, jam jashtëzakonisht i lumtur që sot, bashkë me mikun dhe homologun tim të Republikës së Shqipërisë Taulant Balla nënshkruam protokolin i cili lehtëson procedurat e kalimit kufitar në pikat kufitare Qafë Morinë, Qafë Prush, Shishtavec-Krushevë, Borje-Glloboçicë dhe Orgjost-Orçush.
Nga sot e tutje, do të aplikohet procedura një ndalesë – një kontroll.
Me vullnetin më të mirë, lehtësojmë procedurat tona duke lehtësuar kështu edhe jetën dhe zhvillimin e qytetarëve tanë ndërsa bashkëpunojmë në luftimin me çdo kusht të të gjitha llojeve të krimit”, shkruan ministri.