Dy persona janë lënduar si pasojë e një aksidenti që ka ndodhur sot në orët e hershme të mëngjesit në rrugën Ferizaj-Prishtinë.
Lajmin për KosovaPress, e ka konfirmuar zëdhënësja e Policisë për rajonin e Prishtinës, Flora Ahmeti.
“Sot rreth orës 04:00 në rrugën Ferizaj- Prishtinë ka ndodhur një aksident trafiku, ku është përfshirë një automjet. Si pasojë e aksidentit janë lënduar dy persona dhe janë shkaktuar dëme materiale. Personat e lënduar janë dërguar për trajtim mjekësor. Me rastin po merret Njësiti i trafikut”, ka thënë Ahmeti.