Presidenti i zgjedhur amerikan, Donald Trump, sot ka zhvilluar një takim të përbashkët me presidentin ukrainas Volodymyr Zelensky, si dhe me presidentin e Francës, Emmanuel Macron në Paris, ku edhe janë mbledhur udhëheqës botërorë për të marrë pjesë në ceremoninë e rihapjes së katedrales Notre Dame.
Ashtu siç raportohet nga CCN, takimi mes tre liderëve ka zgjatur vetëm pak më shumë se gjysmë ore.
Po ashtu, është bërë e ditur se presidenti amerikan dhe ai ukrainas, ishte paraparë që të zhvillonin takime ndaras me presidentin francez.
Duhet kujtuar që, presidenti i Ukrainës, kishte deklaruar në fundit të muajit të kaluar që është i gatshëm të punojë me Trump dhe se është i hapur për ide të reja.
Megjithatë, përveç takimit dhe një fotoje të realizuar nga të tre bashkërisht, nga liderët s’ka pasur deklarim për media.