Trajneri i njohur shqiptar, Ilir Daja, do të marrë drejtimin e skuadrës së Ballkanit.
Daja do të udhëtoj drejt Suharekës, ku do të takohet me drejtuesit e Ballkanit për të finalizuar marrëveshjen.
“Sot udhëtoj drejt Kosovës. Nuk është çështja a e kam firmosur ende kontratën apo jo. Është çështje e marrëveshjes që kemi. Sonte do të kem një darkë me drejtuesit e Ballkanit dhe nesër mund të merrni më shumë informacione. Kaq mund të them për momentin, pasi pastaj nuk kam se çfarë të them”, tha Daja për KOHËN.
55-vjeçari do ta zëvendësojë, Bekim Isufin, i cili u shkarkua nga Ballkani.
Për Dajën do të jetë hera e parë që do ta drejtojë një skuadër kosovare, ndërsa së fundmi ka qenë trajner te Partizani i Tiranës.
Ballkani ka mbyllur stinorin vjeshtor në pozitën e tretë në tabelë me dy pikë më pak se lideri i tabelës, Gjilani.