Bosnje & Hercegovina është kualifikuar sonte në Eurobasketin 2025.
Ekipi boshnjak që drejtohet nga trajneri i Trepçës, e ka deklasuar Kombëtaren e Qipros me rezultat 108-62, në palestrën SKPC Mejdan të Tuzllës, për të vulosur kualifikimin e madh sonte.
Bosnja momentalisht ka 3 fitore e 2 humbje në grup, derisa ndeshjen e fundit e zhvillon ndaj Francës me 24 shkurt, por vetëm formalisht pasi e ka siguruar kalimin në Eurobasket.
Vlen të ceket se Bosnja ka një prej ekipeve me lojtarët ndoshta më të mirë në historinë e saj me yje si Jusuf Nurkiq e Dzanan Musa, por edhe Amar Alibegovic, Edin Atic, Miralem Halilovic, Aleksandar Lazic, Kenan Kamenjas etj.