“Partitë opozitare, përkatësisht LDK-ja, po dëshiron që Kurtit me ia leju edhe një mandat, të paktën deri te presidenti, që të ballafaqohet me problemet që i ka kriju ai vet”.
Kështu konsideron gazetari Vehbi Kajtazi në emisionin “VV Show”.
Megjithatë, sipas tij, kjo është krejtësisht legjitime, pasi që Kurti vet e ka kriju Asociacionin, e tash duhet ta zbatojë.
“Në fakt është goxha legjitime, e ka kriju Asociacionin, e tash duhet me zbatu. Por në kuptimin politik për çfarë kanë luftu e kanë fitu votë, nuk është e ndershme sepse njerëzit e kanë votu me largu prej politikës. Gjatë 4 vjetëve të qeverisjes së tij e kam pa një tendencë të tij, sa më shumë gabime, ai bjen, ra në fakt, ka pësu 10 për qind humbje por jo mjaftueshëm që me mbet në opozitë”.