Mbi 99 për qind e energjisë elektrike është rikthyer në Spanjë, pasi janë kryer të gjitha masat e nevojshme për të rregulluar problemin sipas operatorit spanjoll të rrymës, “Red Electrica”.
Derisa disa rajone akoma janë në gjendje emergjente që nga e hëna shkaku i problemeve me energji elektrike, sipas zyrtarëve gjendja emergjente do të shpallet në rajonet që e kërkojnë.
Edhe në Portugali, sipas qeverisë, energjia elektrike gjatë natës është rikthyer për 6.2 milionë shtëpi nga gjithsej 6.5 milionë prej tyre.
Shkaktari i këtyre problemeve sipas një grupi tregtar të energjisë elektrike në Bashkimin Evropian, ishte një problem teknik në një lidhje në rrjetin elektrik në mes Francës dhe Spanjës.
E kryeministri i Portugalisë, Luis Montenegro ka deklaruar se nuk ka indikacione për një sulm kibernetik në rrjetin shpërndarës.