Komuna e Junikut ka njoftuar se qytetarët tani mund të shfrytëzojnë internet falas në hapësira publike të qytetit, përmes projektit rajonal WiFi4WB, i financuar nga Bashkimi Evropian dhe Qeveria Federale e Gjermanisë në kuadër të programit EU4Digital.
Ky projekt synon të rrisë qasjen digjitale dhe transparencën institucionale, duke ofruar internet të lirë në sheshin kryesor të Junikut. Instalimi i pajisjeve për rrjetin do të realizohet së shpejti në bashkëpunim me Telekomin e Kosovës – Vala.
Komuna e Junikut falënderon partnerët ndërkombëtarë për mbështetjen në ofrimin e shërbimeve publike më të avancuara dhe më afër qytetarëve.
Njoftimi i plotë:
Internet falas në Junik përmes projektit WiFi4WB
Komuna e Junikut është përzgjedhur për të qenë pjesë e projektit rajonal WiFi4WB, i financuar nga Bashkimi Evropian dhe Qeveria Federale e Gjermanisë, në kuadër të programit EU4Digital. Ky projekt ka për synim ofrimin e qasjes së lirë në internet WIFI në hapësira publike, duke ndihmuar në zhvillimin teknologjik dhe rritjen e transparencës institucionale.
Gjatë javëve të ardhshme, në bashkëpunim me Telekomin e Kosovës – Vala, do të realizohet vendosja e pajisjeve për funksionalizimin e rrjetit, i cili do t’u mundësojë qytetarëve dhe vizitorëve të shfrytëzojnë internetin falas në sheshin kryesor të qytetit.
Komuna e Junikut falënderon partnerët ndërkombëtarë për përkrahjen dhe angazhimin për të ofruar shërbime publike më të avancuara dhe më afër qytetarëve.