Ilir Ferati, kryetar i Komunës së Istogut, ka premtuar se do të vazhdojë mbështetjen e tij për kompanitë lokale edhe gjatë mandatit të ardhshëm.
Ferati ka vizituar kompaninë AgroProdukt Shpk në Istog, kompani kjo e cila eksporton produktet e saj të çajit në Evropë, SHBA dhe Kanada.
I pari i Komunës së Istogut ka premtuar se do të vazhdojë përkrahjen për zhvillimin dhe punësimin në këtë komunë.
“Sot vizituam AgroProdukt Shpk në Istog, lider në prodhimin e çajit. Me mbi 40 lloje të bimëve të kultivuara dhe 60 të grumbulluara me certifikim organik, produktet e tyre eksportohen në Evropë, SHBA dhe Kanada, duke u bërë ambasador i Istogut në botë.
Ne do të vazhdojmë të jemi krah këtyre dhe të gjitha kompanive lokale, duke mbështetur zhvillimin dhe punësimin”, thuhet në postimin e tij.