Procesi i numërimit të votave nga zgjedhjet parlamentare të 28 dhjetorit është ndalur sot në ora 12:00, sipas njoftimit të Komisionit Qendror të Zgjedhjeve.
Numërimi do të rifillojë më 1 janar në ora 16:00, në përputhje me vendimin e marrë më herët nga KQZ, i cili parasheh një pauzë për shkak të festave të fundvitit, raporton Paparaci.
Sipas rezultateve të deritanishme që janë numëruar 76,07% e votave, pesë kandidatët më të votuar nga secila parti janë:
Lëvizja Vetëvendosje (VV)
- Albin Kurti – 265,889 vota
- Glauk Konjufca – 207,119 vota
- Albulena Haxhiu – 108,910 vota
- Hekuran Murati – 107,684 vota
- Donika Gërvalla-Schwarz – 97,099 vota
Partia Demokratike e Kosovës (PDK)
- Bedri Hamza – 120,711 vota
- Arian Tahiri – 55,778 vota
- Përparim Gruda – 51,596 vota
- Uran Ismaili – 41,068 vota
- Sala Jashari – 37,814 vota
Lidhja Demokratike e Kosovës (LDK)
- Lumir Abdixhiku – 59,274 vota
- Hykmete Bajrami – 37,374 vota
- Ukë Rugova – 32,713 vota
- Avdullah Hoti – 29,503 vota
- Doarsa Kica-Xhelili – 28,928 vota
Aleanca për Ardhmërinë e Kosovës (AAK)
- Ramush Haradinaj – 31,088 vota
- Daut Haradinaj – 18,781 vota
- Besnik Tahiri – 18,397 vota
- Bekë Berisha – 13,526 vota
- Agim Çeku – 12,519 vota
Nga Komisioni Qendror i Zgjedhjeve kanë bërë të ditur se, pavarësisht ndërprerjes së përkohshme, procesi i numërimit do të vijojë sipas planit të parashikuar, duke garantuar transparencë dhe rregullsi gjatë numërimit të votave.