Federata e Futbollit e Turqisë ka njoftuar të shtunën se kanë dalë në shitje biletat për tifozët mysafirë për ndeshjen Kosovë – Turqi.
Finalja e plejofit për kualifikim në Botëror zhvillohet të martën prej orës 20:45 në “Fadil Vokrri” në Prishtinë.
Sipas njoftimit, shitja bëhet nga federata kosovare dhe FFK-ja e ka kontrollin e plotë në proces.
Federata turke ka njoftuar se nuk merr asnjë përgjegjësi për situatat e krijuara lidhur me shitjen e biletave.