Katër anëtarë të ekuipazhit të dy aeroplanëve luftarakë që u përplasën në ajër sot gjatë një shfaqjeje ajrore në shtetin amerikan të Idaho-s u nxorën në ajër në mënyrë të sigurt, njoftuan organizatorët e shfaqjes.
Nga kompania “Silver Wings”, e cila mori pjesë në organizimin e shfaqjes ajrore, u njoftua se aeroplanët u përplasën jashtë bazës ajrore Mountain Home, në afërsi të së cilës u mbajt takimi, raporton AP.
Incidenti ndodhi më herët gjatë ditës së sotme, kur dy aeroplanë u përplasën në ajër dhe ranë në tokë.
Aksidenti ndodhi në ditën e dytë të shfaqjes ajrore “Gunfighter Skies”, e cila përfshin demonstrime fluturimi dhe parashutizmi, duke promovuar historinë e aviacionit dhe aftësitë moderne ushtarake.
Një nga videot që u shfaq në rrjetet sociale tregon dy aeroplanë që përplasen në ajër dhe bien në tokë, si dhe hapjen e katër parashutave pranë vendit të rrëzimit.
Videoja e dytë tregon audiencën e shfaqjes ajrore në hangarin e avionëve, dhe sipas mediave, shumica e anëtarëve të audiencës ishin nga familjet e ushtarëve.
Shërbimi Kombëtar Meteorologjik Amerikan njoftoi se dukshmëria ishte e mirë gjatë shfaqjes ajrore, ndërsa era frynte me një shpejtësi prej rreth 47 kilometrash në orë.
BREAKING: Two U.S. Navy jets collided mid-air and exploded during the Gunfighter Skies Air Show at Mountain Home Air Force Base. pic.twitter.com/R66ADWM2TY
— Breaking911 (@Breaking911) May 17, 2026