Përzgjedhësi Bernard Challandes pritet ta konfirmojë largimin nga Kosova gjatë konferencës që do të mbahet në selinë e Federatës së Futbollit të Kosovës nga ora 13:00.
Siç raporton portali Koha.net, Challandes ka dhënë dorëheqje pas humbjes nga Gjeorgjia të martën mbrëma me rezultatin 2:1 në Prishtinë.
Challandes ishte emëruar trajner i Përfaqësueses së Kosovës në futboll më 2 mars të vitit 2018.
Para se të përzgjidhej trajner i Kosovës, ai kishte drejtuar klube të shumta zvicerane, si dhe kombëtaren e Armenisë në futboll.