Kandidati për deputet nga PDK, Mergim Lushtaku, ka folur për mundësinë e kthimit të elektoratit drejt partisë së tij, duke thënë se periudha 6 vjeçare e qeverisjes aktuale ka krijuar dallim të qartë për mënyrën e qeverisjes së vendit.
Lushtaku tha se qytetarët duhet të vendosin duke u bazuar në rezultate dhe jo në bindje partiake, duke shtuar se Kosova duhet të jetë mbi partitë politike.
“Unë besoj që 6 vjet nuk janë të vogla që me ba dallimin me pushtetet tjera që kanë udheëq Kosovën dhe në këtë aspekt varet edhe Kurti qysh do mu mat. Ai thotë unë skam premtu projekte të mëdha, por është një premtim vetvetiu kur je kryeministër dhe kur e planifikon një buxhet. Ai premtim është. Ti mundesh mos me përmend kurrë rrugën në buxhet por ti e ke planifiku…Unë e pata edhe një thirrje që bëhu tifoz i Kosovës. Nuk duhet me dasht partinë politike më shumë se Kosovën”, tha ai.