Drita ka arritur fitoren me rezultat 3:1 ndaj Malishevës në kuadër të javës së 30-të në Superligë.
Malisheva fillimisht kishte epërsinë minimale prej një goli, falë golit të Hasan Hyseni të shënuar në minutën e 48-të.
Mysafirët arritën ta ruanin rezultatin deri në minutën e 61-të kur u ndëshkuan nga Almir Ajzeraj.
Drita shënoi përsëri duke përmbysur epërsinë e Malishevës me anë të golit të Hamdi Namanit.
Rezultatin final të ndeshjes e vendosi Ardit Tahiri, i cili shënoi pak pa mbaruar ndeshja.
Në xhiron e radhës Drita luan derbin me Ballkanin, kurse Malisheva e pret Llapin.