Ministri Rifat Latifi nuk e ka ndërmend të ndalet së udhëtuari nëpër vende të ndryshme të botës.
Disa ditë pasi u kthye nga udhëtimi i tretë në SHBA, Rifat Latifi ka treguar se do të udhëtoj sërish.
“Do të shkoj në Austri, më konkretisht në Graz”, ka thënë Latifi në Komisionin për Shëndetësi.
Latifi është kritikuar nga paraardhësi i tij Armend Zemaj për udhëtimet e shpeshta. Ministri Latifi ka thënë se në udhëtimin e tij të parë në Nju Jork ka shkuar për cështje private pasi kishte ende obligime ndaj spitalit ku kishte punuar.
“Unë kam udhëhequr kirurgjinë në disa spitale. Kam pas obligime edhe 6 muaj pasi e kam lënë këtë pozitë. Herën e parë kur kam udhëtuar në SHBA, kam shkuar për këtë arsye sepse ka pas mijëra pacientë që është dashur të sistemohen nga unë. Në udhëtimin tjetër kam qenë tre ditë tek familja ime, ndërsa më pas kam pasur takime”, ka deklaruar Latifi.