Dy deputet të Lëvizjes Vetëvendosje, anëtarë të Komisionit për Sigurim Mefail Bajqinofci e Arbër Rexhaj, e kanë vizituar policin e plagosur të shtunën në Skënderaj.
Deputeti në një postim në Facebook ka njoftuar se njëri nga policët tashmë është liruar nga QKUK-ja, ndërsa policit që dyshohet se u plagos me armë zjarri i kanë uruar shërim të shpejtë.
Dy policët dyshohet se janë plagosur nga ish nënkryetari i Skenderajt Nuredin Lushtaku dhe tre familjarë të tij pas një fjalosje në trafik.
Lushtakut dhe tre personat e dyshuar tashmë u është caktuar masa e paraburgimit për 30 ditë.