Mohamed Salah, ka dhuruar mbi 150,000 dollarë për të rindërtuar një kishë në Egjipt që u dogj nga zjarri.
Në Giza, zjarri shkatërroi një kishë dhe me atë rast 41 persona humbën jetën dhe 14 persona u plagosën.
Zjarri, që dyshohet se ka rënë për shkak të një defekti elektrik në kondicionerët, ka bllokuar daljen dhe ka shkaktuar rrëmujë. CNN raportoi se të paktën 18 fëmijë ishin në mesin e të vdekurve.
Salah, i cili u rendit nga gazeta britanike The Sunday Times si personi i tetë më bujar në Britaninë e Madhe, njihet për gjestet e tij humanitare.
Disa vite më parë, ai dhuroi tre milionë dollarë për të ndihmuar Institutin Kombëtar të Kancerit, ndërsa tani ka kontribuar në rindërtimin e kishës.
Mo Salah has donated $156,634 to help rebuild a church in Giza, Egypt where a fire killed 41 people on Sunday pic.twitter.com/ibpdeUETWl
— B/R Football (@brfootball) August 16, 2022