Kryeministrja e Serbisë, Ana Bërnabiq, ka mbërritur në Mitrovicën e Veriut, ku për pritje është tubuar një numër i madh i qytetarëve serbë të Mitrovicës së Veriut dhe të gjithë Kosovës.
Gjatë vizitës së saj njëditore, Bërnabiq do të vizitojë Akademinë Shpirtërore, qendrën e IT, manastirin Banjska, familjen Radosavleviq në Leposaviq, si dhe kantinën e verës Lakiçeviq në fshatin Kutnje, transmeton Paparaci.
“Atmosfera është festive”, pretendon portali serb Kosovoonline, e në mesin e njerëzve të tubuar janë edhe përfaqësuesit e Listës Serbe të cilët janë “argatë” të liderëve aktual politikë në Serbi. Gjithashtu është shtuar dukshëm prania e policisë.
Mes të tubuarve, shumë prej tyre mbajnë pankarta me mbishkrimet “Kryeministrja jonë Ana Bërnabiq”, “Kryeministre, faleminderit për çdo shkollë, rrugë” etj./Paparaci