Gjykata Themelore në Gjilan përmes një komunikate për media ka njoftuar se ka dënuar B.H. dhe B.A. për veprën “Trafikim me njerëz”.
Në vitin 2021, të pandehurit në dy lokacione të ndryshme në Motel në fshatin Domorovc, Komuna Ranilluk dhe në kafiterinë në fshatin Dobërçan, Komuna e Gjilanit, kanë trafikuar të dëmtuarën A.H. nga Istogu për qëllime të shfrytëzimit seksual.
E njëjta ëshë trafikuar duke e ditur gjendjen e saj të rëndë ekonomike, në mënyrë që e njëjta të ofroj shërbime seksuale me pagesë për përsona të ndryshëm.
Ndaj dy të akuzuarve, trupi gjykues ka dënuar të dy me nga 3 vite burg dhe 300 euro për secilin.