Valon Murseli, president i klubit të Dritës ka paralajmëruar largime nga klubi pasi nuk arritën të shpalleshin kampion.
Drita u mposht sot nga Malisheva, duke ia dhënë mundësinë Ballkanit të shpallet Kampion i Kosovës, një xhiro para përfundimit të edicionit të rregullt.
Përmes një reagimi të shkurtë në Facebook, Murseli ka paralajmëruar largime nga klubi.
Ai ka vendosur të postojë disa fshesa në reagimin e tij, duke nënkuptuar kështu largimet.
Drita për një kohë të gjatë kryesoi tabelën e Superligës së Kosovës, mirëpo bëri disa gabime të pafalshme në xhirot e fundit, duke ia mundësuar kështu Ballkanit titullin e dytë me radhë.
E pozicionuar në pozitën e dytë në tabelë, Drita do të ketë mundësinë e garave evropiane duke i nisur ato nga rrethi i parë kualifikues për UEFA Conference League.