Ambasadori amerikan në Beograd Christopher Hill dhe presidenti serb Aleksandar Vuçiq kanë diskutuar në Beograd për Kosovën dhe marrëdhëniet në mes të SHBA dhe Serbisë.
“Një bisedë e sinqertë dhe e hapur me ambasadorin Christopher Hill. Tema kryesore është përmirësimi i mëtejshëm i marrëdhënieve politike dhe ekonomike serbo-amerikane”, ka shkruar Vuçiq në profilin e tij në Instagram, transmeton Paparaci.
Ai ka shtuar se është biseduar edhe për pozicionin ndërkombëtar të Serbisë, situatën në Kosovë dhe procesin e dialogut me Kosovën.
Zëri i Amerikës rikujton se ky është takimi i parë zyrtar mes Hillit dhe Vuçiqit që kur SHBA vendosi sanksione ndaj kreut të BIA-s, Aleksandar Vullin, gjë që është shpallur më 11 korrik./Paparaci.com