Milot Rashica nuk do të kthehet të luaj edhe për dy javë tjera, për shkak të lëndimit që ka pësuar gjatë stërvitjes me Përfaqësuesen e Kosovës.
Rashica u lëndua para ndeshjes me Zvicrën, ndërsa nuk luajti as në sfidën ndaj Bjellorusisë. Ai ishte realizator i golit të fitores së Kosovës ndaj Izraelit më 12 nëntor.
Mungesën dyjavore të Rashicës 27-vjeçar, të enjten e kanë konfirmuar mediat në Turqi. Ai ka lëndim muskulor në këmbën e djathtë. Beshiktashi të dielën në orën 14:00, luan në udhëtim te Samsunspori, në ndeshjen e xhiros së 13-të.
Në mesjavën e ardhshme, Beshiktashi e pret Club Bruggen, në ndeshjen e Grupit D të Ligës së Konferencës. Ndërkohë, Rashica pritet të kthehet në duelin në udhëtim tek Ankaragucu, më 3 dhjetor. Rashica me Beshiktashin në edicionin aktual ka dy gola të shënuar e dy asistime në të gjitha garat, në 15 paraqitje.