Një tjetër person është arrestuar në Zveçan lidhur me sulmet e majit të vitit të kaluar ndaj KFOR-it.
Kështu ka bërë të ditur Policia e Kosovës përmes një njoftimi dërguar publikut, përcjell Paparaci.
Më poshtë edhe njoftimi i plotë:
Sot me datë 24.07.2024, pas një pune hetimore dhe operative të ekipeve të Policisë së Kosovës është lokalizuar në rajonin e Mitrovicës Jug, i dyshuari me iniciale (D.D.) ndaj të cilit ishte ngritur kallëzim penal në Prokurorinë Speciale, lidhur me rastin e sulmit ndaj autoriteteve/forcave ndërkombëtare të sigurisë në Kosovë me datë 29.05.2023, i identifikuar si njëri ndër personat që ka përdor dhunë në mënyrë aktive në Zveqan, dhe si i dyshuar për veprat penale:
- Bashkim për veprimtari kundër kushtetuese, me qëllim të sulmit kundër rendit kushtetues të Republikës së Kosovës
- Rrezikim i personave nën mbrojtje ndërkombëtare
- Pjesëmarrja në turmë që kryen vepër penale dhe huliganizmi dhe
- Sulm ndaj personit zyrtar
Të gjitha veprimet e mëtejme do të ndërmerren në bashkëpunim dhe koordinim me organet e drejtësisë.