Janë publikuar fotot e para të stadiumit të ri më të shtrenjtë në botë, i cili do të ndërtohet nga pronarët e Manchester United dhe që do të zëvendësojë në të ardhmen ikonën Old Trafford.
Teatri i famshëm i ëndrrave, një nga stadiumet më të njohur dhe më të rëndësishëm në botë, po hyn në histori. Old Trafford do të prishet dhe do të zëvendësohet nga një stadium krejt i ri që do të kushtojë 2.5 miliardë euro, duke e bërë atë më të shtrenjtën në botë.
Planet për stadiumin e ri të Manchester United u zbuluan në gusht, pasi pronarët e rinj nga grupi INEOS duan të ndërtojnë një stadium me rëndësi kombëtare. Për ndërtimin e stadiumit është zgjedhur një grup pune, i përbërë nga ish-olimpiani Sebastian Coe, legjenda e klubit Gary Neville dhe kryetari i bashkisë së Mançesterit të Madh, Andy Burnham.
Ishte Burnham sot në konferencën e Partisë Laburiste në Liverpool ai që zbuloi fotot e para të stadiumit të ri që do të zëvendësojë Old Trafford-in aktual me 74,000 vende.
Fillimisht u konsiderua rizhvillimi i Old Trafford, por United përfundimisht do të ndërtojë një stadium të ri që do të jetë pothuajse 30,000 vende më i madh se stadiumi ekzistues dhe do të mbajë rreth 100,000 spektatorë.
Man United have revealed the first images of the potential Old Trafford regeneration project 👀
ESPN reported last month that United are leaning towards building a new £2 billion, 100,000-capacity stadium rather than redeveloping Old Trafford, which an economic report found… pic.twitter.com/HfYCenzqRB
— ESPN FC (@ESPNFC) September 24, 2024
Arkitekti britanik Norman Foster hartoi planet për stadiumin dhe kryebashkiaku Burnham vuri në dukje se ai do të jetë vendi më i rëndësishëm i futbollit në botë.
“Kjo do të bëjë që Anglia Veriperëndimore të ketë infrastrukturën më të mirë të futbollit në botë. Stadiumi do të krijojë një zhvillim për Mançesterin e Madh, për të balancuar atë që Manchester City ka bërë në lindje të rajonit,” tha kryebashkiaku Burnham.
🚨 A new computer generated image of Manchester United’s proposed new 100,000 seater stadium. 🏟️ #mufc pic.twitter.com/xZoeOgaSCP
— 1 To Watch ⌚️ Transfers (@1_T_w_Transfers) September 24, 2024
Manchester United gjithashtu kreu një sondazh mes tifozëve mbi pyetjen se çfarë të bëni me stadiumin historik dhe ikonik Old Trafford. Nga 30,000 tifozët e anketuar, raporti është 50:50 pro ose kundër prishjes.